महाधिवेशनको नयाँ मिति तोक्न काँग्रेस केन्द्रीय समितिको बैठक बस्दै

कनिका खबर
कार्तिक २८, काठमाडौं
नेपाली काँग्रेसले महाधिवेशनको नयाँ मिति तोक्ने बारेमा छलफलका लागि केन्द्रीय समितिको बैठक आजका लागि बोलाएको छ । बैठक केन्द्रीय कार्यालय सानेपामा दिउँसो १ बजे बस्न लागेको हो । बैठकमा महाधिवेशनको नयाँ कार्यतालिका,सरकार विरुद्द विरोध प्रदर्शन लगायतमा छलफल हुने बताइएको छ । यसअघि शीर्ष तहका नेताबीच भएको बैठकले पार्टी विवाद समाधान गर्न नसकेपछि बैठक चार पटक मिति तोक्दै सर्दै आएको थियो । विभाग, क्रियाशील सदस्यता वितरण, संगठन समायोजन, भ्रातृ संस्थाको पदावधि, विदेशस्थित जनसम्पर्क समितिलगायत विषयमा काँग्रेस पार्टीभित्र विवाद छ ।