मा प्रकाशित
जेठ १, पाँचथर
नेपाल विद्यार्थी संघले पाँचथर सदरमुकाम फिदिम बजारमा भारतले गरेको सीमा अतिक्रमणको बिरोधमा मशाल जुलुस निकालेको छ ।
बिहीबार साँझ मुख्य बजार क्षेत्रमा विद्यार्थीहरुको समूहले जुलस प्रदर्शन गरेका हुन् । पाँचथरको फालेलुङ र दार्चुलाको लिपुलेक, कालापानी र लिम्पियाधुरा क्षेत्रमा भारतले गरेको अतिक्रमणको बिरोधमा विद्यार्थीहरुले जुलुसमा नारा लगाएका थिए ।
नेपाल प्रहरी र सशस्त्र प्रहरीको टोलीले राँको खोसेर अकस्मात निस्किएको जुलुशलाई तितरबितर बनाएको थियो । नेपालको भूमिमा निर्माण भइरहेको पर्यटन स्मृति पार्क भारतीय सुरक्षाकर्मीले बनाउन अवरोध खडा गरेकोमा विद्यार्थी आन्दोलित भएका हुन् ।
उनीहरुले ‘फालेलुङको सीमाक्षेत्र हाम्रो हो’, ‘लिपुलेक, कालापानी, लिम्पियाधुरा हाम्रो हो’ भन्दै नारा लगाएका थिए ।
