कनिका खबर
मंसिर ०२, काठमाडौं
कर्मचारी मनिषा लामिछानेको निधनको शोकमा हाम्रो पहुँच बहुउद्देश्यीय सहकारी संस्था लिमिटेड दाङले भोलि एक दिन शोक विदा दिने निर्णय गरेको छ । संस्थाको आज बसेको आकस्मिक बैठकले कर्मचारी लामिछानेको निधनको शोकमा भोलि मंसिर ३ गते बुधबारका दिन संस्थाका सबै परियोजनामा विदा दिने निर्णय गरेको हो । संस्थाका अध्यक्ष शुक्रराज भण्डारीको अध्यक्षतामा बसेको आकस्मिक बैठकले कर्मचारी लामिछानेको निधनप्रति शोक प्रस्ताव पारित गरेको छ । लामिछानेको मंसिर १ गते भाइटीकाको दिनमा दिउँसो डिउटी आउँदै गर्दा सवारी दुर्घटनामा निधन हो । उहाँको निधनले संस्थालाई अतुलनिय क्षति पुगेको विज्ञप्तीमा उल्लेख गरिएको छ । संस्थाका अध्यक्ष भण्डारी र सचिव ऋषिराज पौडेलले शोक विज्ञप्ती जारी गरी मृतक लामिछानेप्रति श्रद्धान्जली र परिवारजनप्रति समवेदना प्रकट गर्नुभएको छ । यसैबिच कर्मचारी लामिछानेको निधनको शोकमा रेडियो हाम्रो पहुँचबाट प्रशारण हुने मनोरन्जनात्मक कार्यक्रम तीन दिनका लागि बन्दभएका छन् । हिजो भाइटिकाको दिनमा रेडियोको डिउटीमा आउने क्रममा सवारी दुर्घटनामा परि निधन भएकी कर्मचारी लामिछानेको शोकमा तीन दिन मनोरन्जनात्मक कार्यक्रम बन्द गरिएको हो ।
मा प्रकाशित
