कनिका खबर
मंसिर ४, दाङ
भारतको दिल्ली सरकारले आज देखि सार्वजनिक स्थलमा मास्क नलगाउने मानिसलाई दुई हजार भारतीय रुपैयाँ जरीवाना गरिने बताएको छ । दिल्लीका मुख्यमन्त्री अरबिन्द केजरीवालले मानिसहरुलाई कोरोना भाइरस (कोभिड–१९) को नियम पालना गराउन यस्तो व्यवस्था गरिएको बताउनुभयो । सार्वजनिक स्थलमा जाँदा मास्क लगाउनाले कोरोना सङ्क्रमणमा ठूलो कमी आउन सक्ने उहाँको भनाइ छ । केजरीवालले दिल्लीमा संक्रमितको उपचारका लागि पर्याप्त बेडहरु रहेको दाबी गर्नुभयो । उहाँले आज दिल्लीमा कोरोना सङ्क्रमणको अवस्थाबारे अध्ययनको लागि सर्वपक्षीय बैठक बोलाउनुभएको थियो । केजरीवालले उक्त बैठकमा सबै पार्टी एक भई दिल्लीका नागरिकको सेवाको लागि तयार भएको जानकारी दिनुभयो । साथै दिल्लीले सार्वजनिक स्थलमा आउँदै गरेको छठ पर्व मनाउन पनि रोक लगाएको छ । केजरीवालले सबैलाई आफ्नै घरमा छठ मनाउन आग्रह गर्नुभयो । दिल्लीमा अहिले कोरोनाको दोस्रो लहर फैलिएको छ ।
मा प्रकाशित
