मा प्रकाशित
कनिका खबर
मंसिर ७, सिरहा ।
सिरहाको एक अस्पतालमा सुत्केरीको मृत्यु भएपछि अस्पताल तोडफोड गरिएको छ । सिराहाको लहानस्थित डिभाइन अस्पतालमा चिकित्सकको लापरबाहीले सुत्केरीको मृत्यु भएको भन्दै मृतकका आफन्तीहरुले तोडफोड गरेका हुन् ।
सुखीपुर नगरपालिकाकी एक महिलाको शल्यक्रिया लापरबाही तरिकाले गर्दा सुत्केरीको मृत्यु भएको हो ।
प्रसूति गराउन शनिबार दिउँसो लहानस्थित डिभाइन हेल्थ केयर अस्पताल भर्ना भएकी सुखीपुर नगरपालिका वडा नम्बर ९ वैशाखाकी आरती साहको शल्यक्रिया गर्ने क्रममा मृत्यु भएको छ । मृतकका आफन्तका अनुसार शनिबार राति २७ वर्षीया साहको शल्यक्रिया गर्ने क्रममै मृत्यु भएको हो ।
उनीहरुका अनुसार चिकित्सकले लापरबाही गरेका कारण उनको मृत्यु भएको छ । महिलाको मृत्यु भएपछि शल्यक्रिया गर्ने चिकित्सकसहित अस्पतालका सञ्चालक र अन्य कर्मचारी पनि फरार भएका छन् ।
