हाइस र अटो ठोकिदा एक जना घाइते

मंसिर ९, दाङ ।
दाङमा हाइस र अटो ठोकिदा एक जना घाइते भएका छन् । जिल्लाको तुलसीपुरमा हाइसले अटोलाई ठक्कर दिदा एक जना घाइते भएका हुन् । घाइते हुनेमा तुलसीपुर उपमहानगरपालीका वडा नम्बर ६ निवासी अटो चालक नारायण खत्री रहेको प्रहरीले बताएको छ ।

तुलसीपुरबाट नेपालगञ्ज तर्फ जादै गरेको भे १ ज १०८५ नम्बरको हाइसले रा १ ह १५७० नम्बरको अटोलाई ठक्कर दिदा खत्री घाइते भएका हुन् । उनको राप्ती प्रादेशिक अस्पताल तुलसीपुरमा सामान्य उपचार पछि कोहलपुर रेफर गरिएको प्रहरीले बताएको छ ।