कनिका खबर
मंसिर १४, बाग्लुङ
चरासँग ठोक्किएपछि कैलाश एयरको हेलिकप्टर नुवाकोटमा आकस्मिक अवतरण गरेको छ । बगलुङको गलकोटबाट काठमाण्डौं उडेको कैलाश एयरको नाईन एन ए जेजे हेलिकप्टर नुवाकोटमा आकस्मिक अवतरण गरेको हो । उडिरहेको हेलिकप्टरमा चिल ठोकिएपछि आकस्मिक अवतरण गरेको गलकोट नगरपालिका वडानम्वर ३ का वडा अध्यक्ष वीरजंग भण्डारीले जानकारी दिनुभयो । उडिरहेको हेलिकप्टरमा चरा ठोकिएपछि बेलकोटगढी नगरपालिका वडा नम्वर ६ मा आकस्मिक अवतरण गराइएको हो । हेलिकप्टरमा सवार चालक, गलकोट नगरपालिका वडा नम्बर ३ का अध्यक्ष भण्डारी सहित ६ जना सुरक्षित रहेको अध्यक्ष भण्डारीको भनाइ छ । उडिरहेको हेलिकप्टरमा चरा ठोकिइपछि वडा अध्यक्ष भण्डारीको हात र खुट्टामा सामान्य चोट लागेको छ । हटियाबाट १२ बजेर ५० मिनेटमा उडेको हेलिकप्टर पौने २ बजे चरा ठोकिएपछि आकस्मिक अवतरण गरेको थियो । चरा ठोकीदाँ हेलिकप्टरको अगाडिको सिसा फुटेको छ भने अगाडिको भागमा क्षति पुगेको छ ।
