कनिका खबर
मंसिर १५, नुवाकोट
लाङटाङ राष्ट्रिय निकुञ्जमा हाल रहेको नुवाकोटको कुटुम्साङदेखि सिन्धुपाल्चोकको बलेफीसम्म छुट्टै निकुञ्ज बनाउन अध्ययन सुरु भएको छ । लाङटाङ राष्ट्रिय निकुञ्जकै केही भूभागलाई समेटेर नयाँ निकुञ्ज बनाउन अध्ययन सुरु भएको हो । राष्ट्रिय निकुञ्ज तथा वन्यजन्तु संरक्षण विभागले अहिले लाङटाङ राष्ट्रिय निकुञ्जमा रहेको नुवाकोटको कुटुम्साङदेखि सिन्धुपाल्चोकको बलेफी खोलासम्मको पुर्वी भागमा छुट्टै निकुञ्ज बनाउने तयारी थालेको हो । निकुञ्ज कार्यालय धुन्चेका अनुसार १ हजार ७ सय १० वर्ग किलोमिटरमा फैलिएको लाङटाङ राष्ट्रिय निकुञ्जको आधाभन्दा बढी भाग नुवाकोट र सिन्धुपाल्चोकमा फैलिएको छ । आधा भागलाई नयाँ निकुञ्ज बनाइयो भने संरक्षणका साथै पर्यटकीय गतिविधि समेत बढ्ने दावी गरिएको छ । राष्ट्रिय निकुञ्ज तथा वन्यजन्तु संरक्षण ऐन २०२९ मा सरकाले आवश्यक ठानेमा कुनै क्षेत्रलाई त्यसको चार किल्ला समेत खोलिएको सुचना नेपाल राजपत्रमा प्रकाशित गरि राष्ट्रिय आरक्ष वा संरक्षण क्षेत्र घोषणा गर्न सक्ने व्यवस्था रहेको छ ।
मा प्रकाशित
