मा प्रकाशित
कनिका खबर
मंसिर १७, दाङ
कतार ओलम्पिक कमिटीका महासचिव जसिम रसिद जेए अल्बुनइन नेपाल आउनुहुने भएको छ । नेपाल ओलम्पिक कमिटीका अनुसार महासचिव जसिम आज नेपाल आइपुग्नुहुनेछ । महासचिव जसिमसँगै कतारी ओलम्पिक कमिटीको प्रतिनिधि मण्डल पनि हुनेछ । कतारी प्रतिनिधि मण्डल एक दिने भ्रमणमा नेपाल आउन लागेको हो । भ्रमणको दौरान कतारी प्रतिनिधि मण्डलले नेपाली ओलम्पिक कमिटीका पदाधिकारीसँग भेट गर्ने छ । यस्तै प्रतिनिधि मण्डलले ललितपुरस्थिति सातदोबाटोमा रहेको नेपाल ओलम्पिक कमिटीको कार्यालयको पनि भ्रमण गर्नेछ । कतारको राजधानी दोहाले सन् २०३० को एसियाली खेलकुद आयोजनाका लागि आफ्नो दावेदारी पेस गर्दैछ । यसमा नेपालको सहयोग र समर्थनका लागि औपचारिक अनुरोध गर्न कतारी प्रतिनिधि मण्डल आज नेपाल आउन लागेको हो ।
