कनिका डेस्क
जेठ १२, दाङ ।
नेपालमा एकैदिन ७९ जना नयाँ कोरोना भाइरस संक्रमित फेला परेका छन् । स्वास्थ्य तथा जनसंख्या मन्त्रालयको नियमित प्रेस जानकारीको क्रममा नयाँ ७ जनामा कोरोना भाइरसको संक्रमण पुष्टि भएको प्रवक्ता डा. विकास देवकोटाले बताउनुभयो ।
यसअघि आज बिहान मात्रै ७२ जनामा कोरोना भाइरसको संक्रमण पुष्टि भएको थियो । राष्ट्रिय जनस्वास्थ्य प्रयोगशाला काठमाडौं, भेरी अस्पताल बाँके, प्रादेशिक अस्पताल सुर्खेत, विपी कोइराला स्वास्थ्य विज्ञान प्रतिष्ठान धरान, राप्ती स्वास्थ्य विज्ञान प्रतिष्ठान दाङ, किटजन्य रोग अनुसन्धान तथा तालिम केन्द्र हेटौडा र सेती प्रादेशिक अस्पताल धनगढीमा गरिएको परीक्षणमा गरि आज एकै दिन ७९ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको संख्या ६ सय ८२ पुगेको छ । जसमा ६ सय २ जना पुरुष र ८० जना महिला रहेका छन् ।
