मा प्रकाशित
कनिका डेस्क
जेठ १४, दाङ ।
कोरोनाभाइरसका कारण ललितपुरका एक ५९ वर्षीय पुरुषको मृत्यु भएको छ। उनको कोरोनाभाइरसका कारण मृत्यु भएको ललितपुर प्रहरीका एसएसपी टेकेन्द्र प्रसाद राईले बताए ।
ललितपुर भैंसेपाटीका स्थायी निवासी मृतकको बुधबार किस्ट अस्पतालमा उपचारको क्रममा मृत्यु भएको थियो । कारोनाको आशंकामा स्वाब संकलन गरेर राष्ट्रिय जनस्वास्थ्य प्रयोगशालामा पीसीआर टेस्ट गराउँदा कोरोना पोजेटिभको रिपोर्ट आएको हो । मृतक लिभरसम्बन्धी रोगबाट ग्रस्त थिए ।
मृतकको शव अस्पतालमै रहेको छ । योसँगै नेपालमा कोरोनाबाट मृत्यु हुनेको संख्या ५ पुगेको छ । यसअघि सिन्धुपाल्चोक, गुल्मी, बारा र बाँकेका १–१ जनाको मृत्यु भइसकेको छ।
