कनिका डेस्क
जेठ १८, दाङ ।
कलाकार जयनन्द चन्द ठकुरीको ८० वर्षकाे उमेरमा अाज निधन भएको छ । आफ्नै घर बागडोलमा उनको अाज बिहान ११ बजे निधन भएकाे हाे । उनी आफ्नो छोरीको साथमा रहँदै आएका थिए ।
लामो समयदेखि प्यारालाइसिस रोगका कारण थलिएका ठकुरीलाई सुगर लगायतको रोग समेत थियो । चलचित्र ‘जीवन रेखा’ बाट अभिनय सुरुवात गरेका कलाकार ठकुरी प्यारालाइसिसका कारण लामो समयदेखि घरमा थलिएका थिए ।
सुगर, प्रेसर राेगबाट समेत पिडित उनले फिल्मसँगै थुप्रै टेलिसिरियल र म्युजिक भिडियोमा समेत अभिनय गरेका छन् । उनी पछिल्लो पटक फिल्म ‘भागी भागी नजाऊ’ मा देखिएका थिए । ‘विश्वास’, ‘भाग्य रेखा’, ‘फेरि भेटौँला’, ‘मायालु’, ‘युद्ध’ लगायतका थुप्रै फिल्ममा चरित्र अभिनेताको भूमिका निर्वाह गरेका चन्दले भारतीय फिल्म ‘पञ्चओटी’ तथा पाकिस्तानी एक फिल्ममा समेत अभिनय गरेका थिए । चन्दकी एक छोरी र श्रीमती छन् ।
