मा प्रकाशित
कनिका संवाददाता
जेठ १९, बाँके ।
भारतबाट फर्केका मानिसहरुलाई लिएर नेपालगञ्जबाट दाङ तर्फ गईरहेको बा ५ ख ५९९५ नम्बरको यात्रुबहाक फोर्स आइतबार राति अगैया नजिकैको जंगलमा ट्रकसँग ठोक्किएर दुर्घटना हुदा ११ जनाको मुत्यु भएको छ भने २२ गम्भीर घाइते भएका छन् ।
आइतबार राति करीब सवा १२ वजे बाँकेको शमशेरगंज र अगैया बिचको जंगलमा सडक किनारामा रोकी राखेको ना ४ ख ९०६४ नम्बरको ट्रकमा ठक्कर दिदा फोर्स गाडीमा चालक समेत गरी सवार ३३ जना मध्ये ११ जनाको निधन भएको छ ।
अन्य घाईतेहरूको अहिले भेरी अस्पताल नेपालगञ्जमा उपचार भइरहेको छ ।
दुर्घटनामा चालकसहित ३३ जना सवार थिए । मृत्यु हुनेमा १० पुरुष र १ महिला रहेका छन । घाइते मध्ये ४ जनाको अवस्था गम्भीर रहेको बताईएको छ ।
