मा प्रकाशित
असार २, मेलम्ची ।
सिन्धुपाल्चोकको मेलम्चीमा आएको भीषण बाढी र पहिरोमा परी बेपत्ता भएकाहरूको खोजी जारी रहेको छ ।
हिजो मंगलबार साँझ मेलम्ची र इन्द्रावती नदीमा आएको बाढीका कारण धेरै मानिस बेपत्ता भएको अनुमान गरिएको छ।
सिन्धुपाल्चोकका प्रमुख जिल्ला अधिकारी अरूण पोखरेलले अहिलेसम्म ७ जनाको मृत्यु भएको पुष्टि गरेका छन् । उद्धार तथा राहतको काममा हेलिकप्टरमार्फत जनशक्ति परिचालनको तयारी भएको प्रजिअ पोखरेलले बताए ।
बाढीले नाकोते, तिम्बु, फट्टे, मेलम्ची नवलपुर जोड्ने पुल तथा बाहुनेपाटीमा बन्दै गरेको मध्यपहाडी लोकमार्गको पुल एवं दोलालघाटसम्मका सम्पूर्ण पक्की पुल बगाएको उनले जनाएका छन् ।
