कनिका डेस्क
जेठ २४, दाङ ।
आइसोलेसनमा रहेका कोरोना संक्रमित बाहिर निस्किएका छन् र, झण्डै १० किलोमिटर पैदल हिँडेर गाउँमा पुगेका छन् ।
कोरोना संक्रमित युवक एकाएक गाँउकै दुर्गा मन्दीर अगाडि उभिएको देखेपछि दुर्गाभगवती गाँउपालिका वडा नं. –३ मा त्राश फैलिएको छ ।
दुर्गा भगवती गाँउपालिकाको क्वारेन्टाइनमा रहेका २४ वर्षीय युवकलाई कोरोना संक्रमण पुष्टि भएसंगै संक्रमितहरुलाई धरहरीको आइसोलेसनमा राखियको थियो।
आइसोलेसनमा राखेको भोलिपल्ट त्यहाँबाट भागेका उनलाई प्रहरीले नियन्त्रणमा लिएको थियो । शनिबार पुनः आइसोलेसनबाट भागेका उनलाई गाउँमा देखेपछि गाँउलेले घेरा हालेर प्रहरीलाई खबर गरेका थिए । त्यसको झण्डै दुई घण्टापछि प्रहरी टोलीले उनलाई पुनः आइसोलेसनमा पुर्याएको छ ।
यो घटनाले आइसोलेसनको सुरक्षा व्यवस्था कति फितलो छ भन्ने प्रष्ट पारेको छ ।
रौतहटमा कोरोना संक्रमितको कुल सँख्या ३ सय ९२ पुगेको छ भने ७ हजार ५५९ जना क्वारेन्टिनमा छन् । तर पछिल्लो समय क्वारेन्टाइनमा बसेकाहरु सुरक्षाकर्मीको आँखा छल्दै सामान किन्न तथा परिवारका सदस्य भेटन बाहिर निस्कने गरेको पाइएको छ ।
