कनिका संवाददाता
जेठ २५, दाङ ।
आज आर्थिक वर्ष ०७७/०७८ का लागि विनियोजित बजेटमाथिकाे छलफल सकिने भएकाे छ । प्रतिनिधिसभामा अाज आइतबार पनि विनियोजित बजेटमाथिको छलफल जारी रहेर छलफल सकिने छ ।
आज राष्ट्रपति कार्यालय, उपराष्ट्रपति कार्यालय, प्रधानमन्त्री कार्यालय र राष्ट्रिय योजना आयोगको सचिवालयको बजेटमाथि छलफल हुने छ । आइतबार नै ऊर्जा, शिक्षा, संघीय मामिला तथा सामान्य प्रशासन, परराष्ट्र, गृह र रक्षा मन्त्रालयको विनियोजित बजेटको शीर्षकमाथि पनि छलफल हुने संघीय संसद सचिवालयले जनाएको छ ।
आज विनियोजित बजेटमाथिकाे छलफल सकिएपछि भाेलि सोमबार मन्त्रीहरुले जवाफ दिनेछन् । संसद सचिवालयको कार्यतालिका अनुसार सोमबार सबै मन्त्रीहरुले सांसदहरुले राखेका धारणा र जिज्ञासाको जवाफ दिनेछन् । शुक्रबार ७ वटा र शनिवार ८ वटा गरी १५ वटा मन्त्रालयको मन्त्रालयतगत शीर्षकमाथिको छलफल सकिएको छ । शुक्रबार ५३ जना र शनिवार ६० जना गरी १५ वटा मन्त्रालयको मन्त्रालयगत शीर्षकमाथि ११३ सांसदले धारणा राखेका छन् ।
