मा प्रकाशित
भदौ ५, दाङ ।
आज अफगानिस्तानबाट थप ३५ नेपाली स्वदेश फर्केका छन् । तालिबान समूहले कब्जा गरेको अफगानिस्तानबाट आज थप ३५ जना नेपाली स्वदेश आइपुगेका हुन् । योसँगै तालिबानले काबुल कब्जा गरेपछि त्यहाँबाट स्वदेश फर्कने नेपालीको सङ्ख्या ५०४ जना पुगेको परराष्ट्र मन्त्रालयले जनाएको छ ।
तालिबानले काबुल कब्जा गरेपछि नेपाल सरकारलाई त्यहाँ रहेका नेपालीहरुलाई उद्धार गर्न आफ्नो विवरण उपलब्ध गराउन आग्रह गर्दै अनलाइन दर्ताको व्यवस्था गरेको छ ।
परराष्ट्रमन्त्रालयले व्यवस्था गरेको अनलाइनमा अहिलेसम्म तीन सय १७ जनाले नाम दर्ता गराएका छन् । नाम दर्ता गराउनेमा कतिपय एकै व्यक्तिको फरकफरक ठाउँबाट नाम दर्ता भएको र कतिपय नेपाल फर्किसकेकाले आउन बाँकीहरुको एकिन गरी नेपाल ल्याउन विभिन्न देशसँग सहकार्य गरिरहेको परराष्ट्र मन्त्रालयले जनाएको छ ।
