भदौ ८, दाङ ।
नेकपा एमालेको स्थायी कमिटी बैठक बसिररहेको छ । ललितपुरको च्यासलस्थित तुलसीलाल अमात्य स्मृति प्रतिष्ठानमा जारी बैठकमा तेस्रो धारका मानिएका नेताहरुको पनि सहभागिता रहेको छ ।
आज बिहानै बैठक बस्ने भनिएपनि तयारी पूरा नभएको भन्दैढिला गरि सुरु भएको हो । हिजो अध्यक्ष केपी शर्मा ओलीसंग भएको छलफल र सहमति पछि आज यसअघि माधब कुमार नेपाल पक्षमा रहेका नेताहरु पनि बैठकमा सहभागि बनेका छन् ।
यसअघि नेपाल पक्षमा रहेका भीम रावल, अष्टलक्ष्मी शाक्य, युवराज ज्ञवाली, अमृत बोहोरा, योगेश भट्टराई, गोकर्ण बिष्ट, घनश्याम भुसाल, भीम आचार्य, सुरेन्द्र पाण्डे र रघुजी पन्त बैठकमा सहभागी भएका हुन् ।
हिजोको छलफल सकारात्मक भएको र १० बुँदे सहमति कार्यान्वयन गर्ने आसा भएका कारण बैठकमा सहभागि भएको नेताहरुले प्रतिक्रिया दिएका छन् ।