मा प्रकाशित
शहीद स्मारक ए डिभिजन लिग अन्तर्गत मनाङ मस्र्याङ्दी क्लब शिर्ष स्थानमा उक्लिएको छ । आज भएको खेलमा ब्रिगेड ब्वाइज क्लबलाई १–० गोल अन्तरले हराउँदै मनाङ शीर्ष स्थानमा उक्लिएको हो। पोखरा रंगशालामा भएको खेलमा मनाङलाई जित दिलाउन कप्तान अञ्जन विष्टले निर्णायक गोल गर्नुभएको थियो । यस जितसँगै मनाङले एएफसी कप छनोट खेल्ने सम्भावना कायम राखेको छ ।
मनाङले ७ खेलमा १६ अंक जोडेको छ । ब्रिगेडले ७ खेलमा ५ अङ्क जोडेको छ । आजै भएको अर्का खेलमा थ्रीस्टारले जावलाखेल युथ क्लबलाई २–१ ले पराजित गरेको छ । यो जितसँगै थ्रीस्टार अङ्क तालिकामा पाचौं स्थानमा उक्लेको छ । जारी सिजनमा थ्रीस्टारको यो दोस्रो जित हो । जितपछि ७ खेलबाट १० अङ्क जोडेर थ्रीस्टार पाँचौं स्थानमा उक्लिएको छ । जावलाखेल ७ खेलबाट ७ अङ्कसहित नवौं स्थानमा छ ।
