मा प्रकाशित
कनिका खबर
असार २, बाग्लुङ ।
बागलुङको निसीखोलामा १२ दिनदेखि क्वारअन्टिनमा रहेकी एक महिलाले क्वारअन्टिनमै बच्चा जन्माएकी छिन् । भारतदेखि १२ दिन पहिले गाउँ फर्किएकी निसीखोला गाउँपालिका ५ कि २१ वर्षीय रैमती बिकले निसीखोला ५ स्थित ज्ञानेन्द्र माविको क्वारेन्टाइनमा बच्चा जन्माएकी हुन् ।
सुत्केरी व्यथा लागेको थाहा पाएपछि स्वास्थ्यकर्मीको टोली क्वारअन्टिनस्थलमा आइपुग्दा बच्चा जन्मिएपछि स्वास्थ्यकर्मीले क्वारअन्टिनभित्रै डेलिभरीमा सहयोग गरेका हुन् ।
हाल सुत्केरी र बच्चाको अवस्था सामान्य छ । उनको गत जेठ २९ गतेमात्रै पिसीआर परीक्षण गरिए पनि अझैं रिपोर्ट आएको छैन । रिपोर्ट नआएका कारण डेलिभरी गराउन सहयोग गर्ने दुईजना स्वास्थ्यकर्मीलाई समेत क्वारअन्टिनमा बस्न भनिएको स्वास्थ्य संयोजक टोपबहादुर चन्दले बताए ।
