कनिका खबर
असार २, दाङ ।
राष्ट्रियसभाका सांसदहरुले सुदूरपश्चिमको कैलाली जिल्ला, लम्की चुहा नगरपालिकाको सहिद स्मृति माध्यमिक विद्यालयको क्वारअन्टिनमा भएको बलात्कारको घटनाको विरोध गर्दै घटनामा संलग्न दोषीमाथि कडा कारबाहीको माग गरेका छन् ।
राष्ट्रियसभाको आजको बैठकको शून्य समयमा नेपाल कम्युनिष्ट पार्टी नेकपाकी दिलकुमारी रावलले कैलालीको सहिद माविको क्वारन्टिनमा रहेकी महिलामाथि भएको सामूहिक बलात्कारको घोर निन्दा र भत्र्सना गर्दै दोषीमाथि कडा कारवाही गर्नुपर्ने बताइन् । उनले महिला स्वास्थ्यकर्मी र सुरक्षाकर्मी सहित छुट्टै जिल्लागत क्वारेन्टाइनको व्यवस्था गर्न र सुरक्षाको सुनिश्चितता गर्न पनि माग गरिन् । नेकपाकै सांसद महेशकुमार महराले बलात्कारमा संलग्न दोषीलाई हदैसम्मको कारवाही गर्नुपर्नेमा जोड दिए । यस्तै नेपाली काँग्रेसका सांसद प्रकाश पन्थले देशैभरि क्वारन्टिनको अवस्था अत्यन्त कमजोर भएको बताउँदै कैलालीको क्वारेन्टाइनमा भएको बलात्कार घटनाका दोषीमाथि कडा कारवाही गर्न माग गरे ।
मा प्रकाशित
