मा प्रकाशित
कनिका खबर
असार २, दाङ ।
दाङ जिल्लामा एक नेपाली सेना जवानमा कोरोना पुष्टि भएको छ । घोराहीमा रहेको रिपुमर्दन गणमा कार्यरत ३२ वर्षीय एक पुरुषमा कोरोना संक्रमण देखिएको हो । आज मङ्गलबार राप्ती स्वास्थ्य विज्ञान प्रतिष्ठानले गरेको पिसिआर परीक्षणमा उनमा कोरोना सङ्क्रमण पोजेटिभ देखिएको हो । उनलाई कोरोना विशेष अस्पताल बेलझुण्डी लगिएको छ ।
रोजगारीका क्रममा भारतको दिल्लीमा मृत्यु भएका घोराही-१८ नवलपुर निवासी ५९ वर्षीय पुरुषको शव व्यवस्थापन टोलीमा उनी सहभागी रहेका थिए । नेपाली सेनाको टोलीले जेठ २६ गते शव व्यवस्थापन गरेको थियो । कोरोना संक्रमितको शव व्यवस्थापनका क्रममा उनलाई कोरोना संक्रमण सरेको आशंका गरिएको छ ।
सोही क्रममा उनमा कोरोना भाइरस सरेको आशंका गरिएको छ ।
