फागुन १७, काठमाडौँ ।
नेपाल सुपर लिगको दोस्रो संस्करणका लागि खेलाडीको अक्सन आउदो शुक्रबार हुँने भएको छ । यो पटक एनएसएलमा कुल १० टिमको सहभागिता रहने भएकाले यो पटकको अक्सनमा कुल २ सय ४० खेलाडीमाथि बोलि लाग्ने भएको छ ।
अखिल नेपाल फुटबल संघ एन्फाको प्राविधिक कमिटीले यो पटकको अक्सनमा तीन श्रेणीमा खेलाडीलाई छुट्याएको छ । जसमा ए श्रेणीमा ४० खेलाडीलाई राखिएको छ भने बी र सी मा एक÷एक सय खेलाडी राखेको छ ।
यो पटकको एनएसएलमा प्रशिक्षकमा अघिल्लो संस्करण टिम हेरेका भन्दा केहि फरक हुने देखिएको छ ।
यो पटकको एनएसएलका लागि कुल २२ जना मार्की खेलाडीको सूची तयार पारिएको थियो । मार्की खेलाडी हुन नसकेका खेलाडीमाथि पनि अक्सनमा बोलि लाग्नेछ ।