कनिका खबर
असार ३, चितवन ।
पहिरोका कारण नारायणगढ–मुग्लिन सडक बिहानैदेखि अवरुद्ध भएको छ । बिहान सवा चार बजे सडक खण्डको इच्छाकामना गाउँपालिका–६ कालिखोलामा पहिरो गएको हो । पहिरोका कारण गाडीको आवतजावत ठप्प भएको छ । पानी परिरहेका कारण ढिलोगरि कालिखोलामा गएको पहिरो पन्छाउने काम सुरु भएको छ ।
मुग्लिन प्रहरीका अनुसार बाटो पूरै अवरुद्ध भएको छ । पहिरो गएको ठाउँमा प्रहरी टोली पुगेर डोजर लैजान पहल भइरहेको ईलाका प्रहरी कार्यालय मुग्लिनका प्रहरी जवान रमेश पन्तले जानकारी दिनुभयो । प्रहरीका अनुसार बिहान करिब साढे ११ बजेसम्म पहिरो पन्छाउने काम सकिनेछ ।