बेइजिंगमा कोरोना संक्रमित बढ्दै गएपछि एक हजारभन्दा बढी हवाई सेवा रद्द

एजेन्सी
असार ३, दाङ ।
चीनको राजधानी बेइजिंगमा कोरोना संक्रमित बढ्दै गएपछि एक हजारभन्दा बढी हवाई सेवा रद्द गरिएको छ । चीनमा दोस्रो चरणको कोरोना महामारीको खतरा बेइजिंगमा देखिन थालेको भन्दै बेइजिंगबाट उडान भर्ने एक हजारभन्दा बढी हवाई सेवा रद्द गरिएको हो ।
आजमात्रै बेइजिंगमा कोरोना भाइरसका कारण ३१ जना नयाँ संक्रमित थपिएका छन् । योँसगै बेइजिंगमा कोरोना भाइरसका कारण संक्रमित हुनेको संख्या १ सय ३७ पुगेको छ । बेइजिंगमा कोरोना संक्रमित थपिँदै गएपछि विद्यालय, बजारहरु पूर्ण रुपले बन्द गरिएको छ भने राजधानी बाहिर नजान पनि नागरिकलाई आग्रह गरिएको छ ।