मा प्रकाशित
कनिका संवाददाता
आसार ३, कोहलपुर
नेपालमा थप एकको मृत्यु कोरोना संक्रमणबाट भएको छ । यससँगै कोरोनाबाट मृत्यु हुनेको संख्या २१ पुगेको छ ।
न्यूरोसम्बन्धी समस्याका कारण आइतबार नेपालगञ्ज मेडिकल कलेज कोहलपुर भर्ना गरिएकि कैलालीको लम्की चुहा नगरपालिका–२ की ४३ बर्षीया महिलामा मृत्युपछि कोरोना संक्रमण पुष्टि भएको हो । उनको सर्जरी गर्नुअघि पीसीआर टेष्ट गर्न स्वाब संकलन गरिएको थियो । र, बधुबार साढे ११ बजेतिर उनको निधन भयो ।
साँझ उनको रिपोर्ट आउँदा कोरोना संक्रमण पुष्टि भएको स्वास्थ्य कार्यालय, बाँकेका नरेश श्रेष्ठले बताए ।
