कनिका डेस्क
असार ६, दाङ
कोरियन एयरले दक्षिण कोरियामा अलपत्र परेका २२८ जना नेपालीलाई काठमाडौं ल्याइपु¥याएको छ । नेपालबाट ईपीएस पास गरेर कोरिया जाने तयारीमा रहेका कामदार लिन आएको कोरियन एयरले त्यहाँ अलपत्र परेका नेपालीलाइ आज काठमाडौँ ल्याइपु¥याएको हो । विमानले दुइ सय ३३ जना नेपाली कामदार लिएर कोरिया फर्किएको छ ।
नेपाल आउन लागेको कोरियन एयरमार्फत अप्ठ्यारोमा परेका नेपाली ल्याउने व्यवस्था गरेको संस्कृति, पर्यटन तथा नागरिक उड्डयन मन्त्रालयका सचिव केदार बहादुर अधिकारीले जानकारी दिनुभयो । यसअघि एनआरएनए कोरियाले उद्धार उडानको प्रयास गरे पनि नेपाल वायुसेवा निगमले कोरियामा अनुमति पाएको थिएन ।
कोरोना सङ्ंक्रमणको कारण उत्पन्न असहज परिस्थितिमा नेपाल जानैपर्ने अवस्थामा कोरयामा रहेका नेपाली नागरिकलाई स्वदेश फर्कनका लागि नेपाल सरकारले २०७७ जेठ ११ गतेदखि नै सूचना फारम सार्वजनिक गरी विवरण संकलन गरेको थियो । अहिले कोरियास्थित नेपाली दूतावासमा ११ सय जनाभन्दा बढी नेपाली विविध समस्यामा रहेको बताइएको छ ।
