मा प्रकाशित
कनिका खबर
असार ७, दाङ ।
राप्ती स्वास्थ्य विज्ञान प्रतिष्ठानमा कार्यरत चिकित्सक तथा कर्मचारीमा कोरोना पुष्टि भएपछि दुई दिनका लागि बन्द भएका स्वास्थ्य सेवा भोलिबाट सुचारु रहने भएका छन् ।
दुई दिनका लागि रोकिएका स्वास्थ्य सेवा असार ८ गते सोमवारदेखि सञ्चालनमा आउने राप्ती स्वास्थ्य विज्ञान प्रतिष्ठानले जनाएको छ ।
स्वास्थ्यकर्मीलाई संक्रमण देखिएसँगै अस्पतालाई सेनेटराईजिङ गर्न दुई दिनका लागि अस्पताल सिल गरिएको थियो ।
दुई दिन बन्द गरेको स्वास्थ्य सेवा भोलिदेखि सुरुवात गर्न थालेको प्रतिष्ठानका निमित्त कायम मुकाय रजिष्ट्रार कैलाशप्रसाद देवले जानकारी दिएका छन् ।
