मा प्रकाशित
६ साउन, दाङ । दाङमा महिलालाई यौन ब्यबसायमा लगाएको आरोपमा प्रहरीले तीन जनालाई पक्राउ गरेर सार्बजनिक गरेको छ । घोराही उपमहानगरपालिका वडा नम्बर १२ हापुरका ५० वर्षीय इन्द्रबहादुर केसी, तुलसीपुर उपमहानगरपालिका वडा नम्बर १७ का ३६ वर्षीय झमन विक र घोराही उपमहानगरपालिका वडा नम्बर १० की ४२ वर्षीया सीता विकलाई पक्राउ गरिएको जिल्ला प्रहरी प्रमुख एसपी सुरेशप्रसाद काफ्लेले बताउनुभयो ।
पक्राउ परेका पुरुषहरूले किशोरी तथा महिलाहरुको खोजी गरी आफूले यौन शोषण गर्ने र अन्तमा होटेलमा लगेर अरुसँग पनि सम्पर्क गराएर रकम लिने गरेको उजुरी परेको प्रमुख काफ्लेले जानकारी दिनुभयो ।
पक्राउ परेकी महिलाले उक्त काममा सघाउने गरेको उहाँले बताउनुभयो । पक्राउ परेको विरुद्ध मानव बेचबिखन मुद्दामा अनुसन्धान भइरहेको काफ्लेलेको भनाई छ ।
