मा प्रकाशित
कनिका खबर
असार ९, प्यूठान ।
प्यूठानमा क्वारअन्टिमै शिशु जन्मिएका छन् । प्युठान जिल्लाको एक क्वारअन्टिनमा बसेकी गर्भवतीले शिशुलाई जन्म दिएकी हुन् । मल्लरानी गाउँपालिका ४ को जनजागृति माध्यामिक विद्यालयको कसेरी क्वारअन्टिनमा बसेकी १८ वर्षीया सीता खड्काले छोरालाई जन्म दिएकी हुन् ।
क्वारअन्टिनमा सुत्केरी व्यथा लागेपछि उनलाई प्राथमिक स्वास्थ्य केन्द्र खलङ्गामा ल्याइएको थियो । स्वास्थ्य केन्द्रमै आज बिहान ८ बजेतिर उहाँ सुत्केरी भएको गाउँपालिकाका स्वास्थ्य शाखा प्रमुख पारस शाहीले बताए ।
आमा र शिशु दुवैको स्वास्थ्य अवस्था सामान्य रहेको स्वास्थ्य केन्द्रले जनाएको छ । खड्काको आरडीटी रिपोर्ट नेगेटिभ आएको छ । पीसीआर लिनेरनलिने विषयमा छलफल भइरहेको स्वास्थ्य शाखा प्रमुख शाहीले बताए ।
