कनिका खबर
असार १०, दाङ ।
विश्वमा कोरोना सङ्क्रमितमध्ये ५० लाखभन्दा धेरै निको भएका छन् । वर्लडओमिटरका अनुसार ५० लाख ४१ हजार ७ सय भन्दा धेरै उपचारपछि निको भएका हुन् ।
कोरोनाबाट अमेरिकामा २४ लाख २४ हजार सङ्क्रमित भएका छन् । त्यहाँ १० लाख २० हजार निको भएका छन् भने १ लाख २३ हजार भन्दा धेरैको ज्यान गएको छ । ब्राजिलमा कोरोना भाइरसबाट सङ्क्रमित हुनेको संख्या ११ लाख ५१ हजार पुगेको छ भने रुसमा ५ लाख ९९ हजार ७ सय जनामा कोरोना भाइरसको सङ्क्रमण पुष्टि भएको छ ।
ब्राजिलमा ६ लाख १३ हजार र रुसमा ३ लाख ५६ हजारभन्दा धेरै निको भएका छन् । छिमेकी भारतमा कोरोनाबाट ४ लाख ५६ हजार सङ्क्रमित भैसकेका छन् । त्यहाँ २ लाख ५८ हजार बढी निको भएका छन् । १४ हजार ४ सय ८३ जनाको ज्यान गएको छ ।