मा प्रकाशित
कनिका संवाददाता
असार १०, काठमाडौं
बुधबार क्यारेबियन प्रिमियर लिग (सीपीएल) को यस सिजनका लागि खेलाडीको ड्राफ्ट हुँदैछ । सहभागी टिमले आफ्नो टिममा बाँकी रहेको स्थानका लागि यही ड्राफ्टबाट खेलाडी छनोट गर्नेछन् ।
उक्त ड्राफ्टका लागि नेपालबाट एक मात्र खेलाडी सन्दीप लामिछानेले नाम दर्ता गराएका छन् । उनको ड्राफ्ट मूल्य ९० हजार अमेरिकी डलर रहेको छ । जुन नेपाली रकम एक करोड भन्दा बढी हुन्छ । यदि सन्दीपलाई ड्राफ्टमा कुनै टिमले लिएमा उनी एउटै लिगबाट करोडपति हुनेछन् ।
सन्दीपले यसअघि दुई सिजन सीपीएल खेलिसकेका छन् । उनले सन् २०१८ मा सेन्ट किट्स एण्ड नेभिस तथा गत सिजन बार्बाडोस ट्रिडेन्टबाट खेलेका थिए ।
सीपीएल २०२० को ड्राफ्टका लागि विश्वभरका २३ देशका ५३७ खेलाडीले नाम दर्ता गराएका छन् । जहाँ सन्दीपको ड्राफ्ट मूल्य चौथो महंगोको लिस्टमा छन् ।
