कनिका संवाददाता
असार ११, उदयपुर
उदयपुरमा पानीसँगै परेको चट्याङ लागेर एक जनाको मृत्यु भएको छ । दुई जना घाइते भएका छन् । आज बिहान ८ बजे पानीसँगै परेका चट्याङ लागेर त्रियुगा नगरपालिका १३ असारीका ४५ वर्षका कानुन चौधरीको ज्यान गएको जिल्ला प्रहरी कार्यालय उदयपुरका एसपी भिमप्रसाद दाहालले जानकारी दिनुभयो । चट्याङले घाइते चौधरीलाई उपचारको लागि जिल्ला अस्पताल पु¥याएपछि चिकित्सकले मृत घोषणा गरेका थिए । यस्तै सोही वडाको भातिखर्कका ३१ वर्षका अनिता खड्का घाईते हुन भएको छ । उनको खुट्टाको केहि भाग जलेको छ । दुबै जना खेतमा काम गर्दै गरेको अवस्थामा चट्याङ लागेको प्रहरीले जनाएको छ । घाइते खड्काको अवस्था सामान्य रहेको प्रहरीले जनाएको छ । उनको हाल जिल्ला अस्पताल उदयपुरमा उपचार भईरहेको छ । यस्तै चट्याङ्ग सोही वडा जोगी पोखरी स्थित मिन्द्र बहादुर मगरको ६१ वर्षका तिर्थमाया मगर पनि घाइते हुनु भएको छ ।
मा प्रकाशित
