कनिका खबर
असार ११, दाङ ।
चीनले नेपाली भूमि अतिक्रमण गरेको समाचार सार्वजनिक भएपछि परराष्ट्र मन्त्रालयले ध्यानाकर्षण भएको जनाएको छ । संचारमाध्यममा चीनले नेपाली भूमि मिचेको भन्ने समाचार आएपछि ध्यानाकर्षण भएको जनाउँदै परराष्ट्र मन्त्रालयले बिहीबार एक विज्ञप्ति जारी गरेर उक्त कुरा बताएको हो ।
परराष्ट्र मन्त्रालयले नेपाल र चीनबीच सीमा सम्बन्धी कुनै पनि समस्या उब्जिए द्विपक्षीय वार्ताद्वारा समाधान गर्ने जनाएको छ ।
कृषि तथा पशुपंक्षी विकास मन्त्रालयको अस्तित्वमा नै नरहेको रिपोर्टलाई आधार बनाएर आएका समाचारमा सत्यता नभएको परराष्ट्रको विज्ञप्तिमा उल्लेख छ ।
परराष्ट्र मन्त्रालयले सीमा विवादका बारेमा ५ अक्टुबर १९६१ मा समाधान भएको बताएको छ। नेपालको विभिन्न जिल्लामा गरी ३३ हेक्टर जमिन अतिक्रमण गरेको समाचार सार्वजनिक भएपछि बिहीबार परराष्ट्र मन्त्रालयले ध्यानाकर्षण भएको जनाएको हो ।
