कार्तिक ६, काठमाडौँ ।
मङ्सिर ४ मा हुने प्रदेश, प्रतिनिधिसभा निर्वाचनका लागि नेपाल समाजवादी पार्टी नेसपाले घोषणा पत्र सार्वजनिक गरेको छ ।
संविधान संशोधन, आर्थिक, सामाजिक, परराष्ट्र, कृषि, रोजगार लगायतका विषय समेट्दै पार्टीले घोषणा पत्र सार्वजनिक गरेको हो । घोषणा पत्रमा राष्ट्रपति र प्रदेश प्रमुखमा निर्वाचित व्यक्ति दुई कार्यकालभन्दा बढी रहन नसक्ने व्यवस्था गर्ने, राज्य पुनर्संरचना आयोगको प्रतिवेदनको आधारमा प्रदेशहरूको पुनर्संरचना गर्ने, स्थानीय तहहरूलाई बलियो र अधिकार सम्पन्न गर्ने उल्लेख छ ।
पूर्वप्रधानमन्त्री बाबुराम भट्टराई र महिन्द्र राय यादव अध्यक्ष रहेको नेपाल समाजवादी पार्टी माओवादी केन्द्रको चुनाव चिह्न हँसिया हथौडा लिएर चुनावी मैदानमा छ ।