नेकपाको स्थायी कमिटीको बैठकमा ओली अनुपस्थित – Kanika Khabar
Thursday, May 13Nepali News Portal

नेकपाको स्थायी कमिटीको बैठकमा ओली अनुपस्थित

    मा प्रकाशित

कनिका खबर
असार १२, काठमाडौँ ।
आजको नेकपाको बैठकमा प्रधानमन्त्री तथा पार्टी अध्यक्ष केपी शर्मा ओली अनुपस्थित भएका छन् । नेकपाको स्थायी कमिटी बैठक सञ्चालनको जिम्मा प्रधानमन्त्री तथा पार्टी अध्यक्ष ओलीले कार्यकारी अध्यक्ष प्रचण्ड र महासचिव विष्णु पौडेललाई दिएका छन् । ओली बालुवाटारमै अन्य काममा व्यस्त रहेको जनाइएको छ ।

बैठकको दोस्रो दिन आजबाट नेताहरुले बैठकका एजेण्डामा केन्द्रित रहेर धारणा राख्ने क्रम शुरु भएको छ । सरकार र पार्टी कामको समीक्षासहित अधिकांश एजेण्डा प्रधानमन्त्री ओलीसँग सम्बन्धित छन् । तर ओली भने सदस्यहरुका धारणा सुन्ने बैठकमा अनुपस्थित भएका हुन् ।
दुई अध्यक्षबीचको सल्लाह अनुसारनै बैठकको अध्यक्षता प्रचण्डले गर्ने र महासचिव पौडेलले बैठक सञ्चालन गर्ने तय भएको नेकपा स्रोतले जनाएको छ । प्रधानमन्त्री ओली यसअघि पुसमा बसेको धुम्बाराहीको स्थायी कमिटी बैठकमा पनि अनुपस्थित भएका थिए ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्