कनिका खबर
असार १४, दाङ ।
केही दिन अगाडि नेपाल भित्रिएको सलह नेपालभर विस्तार हुन थालेको छ । तराईबाट छिरेको सलह पहाड उक्लिसकेको छ । सलह नियन्त्रणका लागि विभिन्न प्रदेशले नीति बनाएका छन् । कृषिविद्सँग पनि लगातार परामर्श गरिरहेका छन् ।
यसैबिच कृषिविद् मदन राईले सलह नियन्त्रणका लागि सबै जुट्न आग्रह गरेका छन् । उनले सलहलाई विष हालेर नमार्न सुझाव दिएका छन् । सलह नियन्त्रणको उपाय खोजिरहेका बेला कृषिविद् राईले विषादी हालेर नमार्न आग्रह गरेका हुन् ।
उनले सलह सिद्रा माछा भन्दा पोसिलो हुने बताएका छन् । कसैले समात्यो भने म एक हजार केजीलाई ताजा सुकाएको दुवैलाई १ लाखमा किनिदिन्छु।’ उनले सलह रोक्न समात्ने उपाय नै सही रहेको पनि बताएका छन्।
कृषिविज्ञ राईले सलह समात्न अपनाउनुपर्ने विधि र टिप्स पनि दिएका छन् । उनले सामाजिक सञ्जाल फेसबुकमार्फत सलह समाउने तरिका सुझाएका छन् ।
उनले लेखेका छन्, ‘यो बाक्लो आयो भने अलिक ठूलो कपडा दुई जनाले दुई छेउमा तानेर सलह छैकौँ ं। एकै ठाउँमा एकैपटक पाँचदस किलो समाउन सकिन्छ । पातलोलाई पनि समाउने वा खेदेर बाली जोगाउने । सलह सबैजसो पंछीको खाना हो । जंगली पंछी पनि मोटाउने भो । मूख्य कुरा हाम्रो धान, कोदो,मकै, आलु, तरकारी, फलफुल बाली जोगाउनु हो । घाँस पनि जोगाऔँ । तर पहिलो अन्न ।
कसैले समाएर हामी शुभद्रा मदन फाउण्डेशनमा ल्याइदिए किलोको नगद १०० रपियाँले १००० किलो सम्म ल्याए क्यास १ लाख नगद भूक्तानी हुनेछ ।
हामी १००० किलो मध्ये विद्यार्थीलाई मज्जाले भुटेर माछा मासुको सट्टामा विभिन्न परिकार बनाएर ख्वाउँछौं । केही हामी हामीसँग भएको पशुपंछीको दाना बनाउँछौ ं। सिद्राको सट्टामा यो प्रयोग गर्नेछौ ं। केही हामीसँग भएको सबै खाले पंछीलाई ख्वाउनेछौ ं।
