मा प्रकाशित
कनिका संवाददाता
असार १५, भक्तपुर
भक्तपुरमा आपसी झगडा हुँदा एकजनाले आफ्नै साथीको हत्या गरेका छन् । सिन्धुलीको तीनपाटन गाउँपालिका घर भई हाल भक्तपुर नगरपालिका चार गहिटी क्षेत्रमा मजदुरी गर्ने ३० वर्षका इन्द्रबहादुर तामाङले आपसी विवादमा साथी कृष्ण तामाङको हत्या गरेको प्रहरीले जनाएको हो ।
महानगरीय प्रहरी परिसर भक्तपुरका प्रवक्ता प्रहरी नायब उपरीक्षक दीपक गिरीका अनुसार मृतक कृष्णको टाउको, निधार र चिउडोमा चोट लागेको देखिएपछि हत्या आशंकामा प्रहरीले अनुसन्धान गर्दा इन्द्रबहादुरले हत्या गरेको स्वीकार गरेका हुन् । उनलाइ पक्राउ गरी महानगरीय प्रहरी परिसर भक्तपुरमा राखी थप अनुसन्धान भइरहेको प्रहरीले जनाएको छ ।
