नेकपाको स्थायी कमिटी बैठकमा प्रधानमन्त्रीको राजीनामा माग – Kanika Khabar
Friday, March 5Nepali News Portal

नेकपाको स्थायी कमिटी बैठकमा प्रधानमन्त्रीको राजीनामा माग


    मा प्रकाशित

कनिका संवाददाता
असार १६, काठमाडौं
नेपाल कम्युनिष्ट पार्टी नेकपाको जारी बैठकमा नेताहरूले प्रधानमन्त्री केपी शर्मा ओलीको राजीनामा माग गरेका छन् । तीन दिनअघि आफ्नो सरकार ढाल्न भारतीय राज्य संयन्त्रसहित आफ्नै पार्टीका नेताहरु पनि लागि परेको अभिव्यक्ति प्रधानमन्त्री ओलीले दिनुभएको थियो ।

आजको बैठकमा अर्का अध्यक्ष पुष्पकमल दाहाल प्रचण्डले प्रधानमन्त्रीको राजीनामा दिल्लीले नभई आफूले मागेको भन्दै प्रधानमन्त्री ओलीको अभिव्यक्तिको आधार के हो ? भन्दै प्रश्न गर्नुभएको छ । आजको बैठकमा बरिष्ठ नेताद्वय माधव कुमार नेपाल र झलनाथ खनालले पनि प्रधानमन्त्री ओलीको राजीनामा माग गर्नुभएको बैठकमा सहभागि नेताहरुले बताएका छन् ।

शुक्रबार र शनिबार सीमा समस्या लगायतका विषयमा केन्द्रीत भएको बैठक आइतबार प्रधानमन्त्री ओलीले आफ्नो सरकार ढलाउन भारत र भारतीय दुतावासले बैठकहरू गरेको भन्ने अभिव्यक्ति दिएपछि राजीनामा तिर मोडिएको हो ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्