मा प्रकाशित
कनिका संवाददाता
असार १७ लमजुङ
लमजुङमा माइक्रोबस चोरी गर्ने एक युवकलाई लमजुङ प्रहरीले पक्राउ गरेको छ । क्व्होलासोथर गाउँपालिका १ बस्ने वर्ष २७ का गजेन्द्र परियारलाई सुन्दरबजार नगरपालिका २ हाडेटारबाट प्रहरीले पक्राउ गरेको हो । जिल्ला प्रहरी कार्यालय लमजुङका प्रमुख डिएसपी गंगाबहादुर थापाले असार १४ गते राती बेसीशहर नगरपालिका २ भकुण्डे बस्ने राजेश धितालको घर नजिकै सडकमा पार्कीङ गरी राखेको बा २ ख ७९६७ नम्बरको माइक्रोबस (हाइस) चोरेको अभियोगमा परियारलाई पक्राउ गरिएको बताउनुभयो । पक्राउ परेका परियारको चोरी मुद्दामा जिल्ला अदालत लमजुङबाट म्याद थप भई अनुसन्धान भइरहेको प्रहरीले जनाएको छ ।
