मा प्रकाशित
कनिका संवाददाता
असार १८, सिन्धुपाल्चोक
मेलम्ची नगरपालिका वडा नम्बर नौ मा पनि सलह पुगेको छ । थोरै संख्यामा आइपुगेको सहलले बाली खान थालेको छ । स्थानीयवासी सहल लखेट्न तथा संकलन गर्न जुटेको किसान चिनबहादुर तामाङले जानकारी दिनुभयो । यसैबीच मेलम्ची नगरपालिकाले सहल संकलन गरेर ल्याउनेलाई प्रति केजी दुइ सय रुपैयाँ दिने घोषणा गरेको छ । विषादी छर्केर वा कुनै पनि तरिकाले सहल भगाउन कृषि शाखा सक्रिय रहेको कृषि प्राविधिक हरिगोपाल श्रेष्ठले जानकारी दिनुभयो । किसानका बाली क्षति हुन नदिनका लागि नगरले सक्रियताका साथ काम गरिरहेको नगर प्रमुख डम्बर अर्यालले जानकारी दिनुभयो । यसअघि मेलम्ची भेगमा थाङपालधाप, पाल्चोकमा पनि सहल देखिएको थियो ।
