मा प्रकाशित
कनिका खबर
असार २०, दाङ ।
नेकपा स्थायी कमिटीको (नेकपा) को बहुप्रतीक्षित बैठक स्थगित भएको छ । आज निर्धारित गरिएको बैठक सुरु हुनभन्दा केही समय अगाडि स्थगित भएको हो । बैठकको लागि अर्को मिति असार २२ गते सोमबारलाई तोकिएको छ ।
बैठक सुरु हुनभन्दा पहिले अध्यक्षद्वय केपी शर्मा ओली र पुष्पकमल दाहाल ‘प्रचण्ड’ आन्तरिक छलफलमा जुटेका थिए । अध्यक्षद्वय परामर्शमै रहेकाले बैठक स्थगित भएको नेकपा नेताहरु बताउँछन् ।
शुक्रबार दुवै अध्यक्षले छलफल गर्ने र शनिबार स्थायी कमिटी बैठक बस्ने शीर्ष तहमा सहमति भएको थियो । शुक्रबार छलफल भए पनि ठोस सहमति हुन सकेको थिएन ।
