मा प्रकाशित
कनिका संवाददाता
असार २०, काठमाडौं
बजेटप्रति असन्तुष्टि जनाउँदै प्रमुख प्रतिपक्षी नेपाली काँग्रेसले कर्णाली प्रदेशसभा बैठक बहिष्कार गरेको छ । आज बसेको बैठकमा काँग्रेस सांसद उपस्थिति नै भएनन् । मन्त्रालयको छुट्टाछुट्टै योजना सहित किताब नआएपछि बैठकमा भाग नलिइएको विपक्षी दलका नेता नेता जीवनबहादुर शाहीले बताउनुभयो ।
सबै मन्त्रालयको बजेट किताब मन्त्रालयगत रुपमा नआइसकेको कारण बैठकमा सहभागी नभएका उहाँले बताउनुभयो । काँग्रेसले सबै मन्त्रालयका अलग–अलग रातो किताब बनाउनुपर्ने माग गर्दै आएको छ । सरकारले भने सबै मन्त्रालयको योजना समेटेर एउटै किताब प्रदेशसभामा वितरण गरेको थियो । कर्णाली प्रदेशसभामा कांग्रेसका ६ सांसद छन् ।
