मा प्रकाशित
कनिका खबर
असार २२, दाङ ।
नेपाली काङ्ग्रेसको केन्द्रीय कार्यसमितिको बैठक आज पनि बस्ने भएको छ । आजको बैठकमा पार्टीको १४ औं महाधिवेशनको कार्यतालिका परिमार्जनका विषयमा छलफल हुनेछ । हिजो नेकपाको विवाद र सत्ता परिवर्तनको खेलमा काङ्ग्रेस लाग्ने कि नलाग्ने भन्ने विषयमा बैठकमा बढी छलफल भएको थियो ।
सभापति शेरबहादुर देउवाको अध्यक्षतामा पार्टी कार्यालयमा हिजोदेखि सुरु केन्द्रीय समिति बैठकमा महाधिवेशनको कार्यतालिकाबारेमा छलफलको हुने बताइएको छ । आगामी फागुनमा केन्द्रीय महाधिवेशन गर्ने पुरानो कार्यतालिका यथावत राखी गाउँदेखि प्रदेश अधिवेशनसम्मको कार्यतालिका परिमार्जन गरिने प्रस्तावमा छलफल भइरहेको छ । बैटक आज दिउँसो २ बजेपछि पार्टी कार्यालय सानेपामा बोलाइएको छ ।
