मा प्रकाशित
कनिका संवाददाता
असार २२, काठमाडौं
प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच बालुवाटारमा भएको आजको छलफल सकारात्मक भएको नेताहरुले बताएका छन् । भेटमा नेकपा अध्यक्ष प्रचण्डले कुनै कार्यदल नबनाइकन दुई जनाकै बीचमा छलफल गर्न जरूरी रहेको समेत बताउनुभएको थियो ।
बैठकमा अध्यक्ष दाहालले दुई अध्यक्षकै बीचमा छलफल गर्नु पर्ने बताउनुभएको थियो । दोस्रो तहका नेताहरू भन्दा पनि आवश्यक परे वरिष्ठ नेतालाई बैठक राख्न जरूरी रहेको प्रचण्डको भनाइ छ । उहाँले वरिष्ठ नेताहरूसँग छलफल गरेर अगाडि बढ्नु पर्ने समेत बताउनुभएका थियो । यसअघि हिजोको भेटमा दुवै पक्षका केही नेताहरूलाई राखेर अनौपचारिक कार्यदल बनाइएको बालुवाटारले बताएको थियो । नेकपाको आजको लागि बोलाईएको स्थायी कमिटी बैठक पनि स्थगित भएको छ ।
