मा प्रकाशित
सल्यान, २१ साउन।
सल्यानमा घाँटी रेटेर हत्या गरेको अवस्थामा एक महिलाको शव फेला परेको छ । जिल्लाको शारदा नगरपालिका वडा नं. १४ धारपानीमा ४५ वर्षीया प्रमिला गिरीको घाँटी रेटी हत्या भएको छ ।
गिरीको घर नजिकै मकैबारीमा घाँटी रेटेर हत्या गरेको अवस्थामा शव फेला परेको हो । आज बिहानै घरबाट घाँस काट्न बारीमा पुगेकी महिला घर नआएपछि परिवारले खोजतलास गर्दैजादा मकैँबारीमा मृत अवस्थामा भेटिएको प्रहरीले जनाएको छ । घटनास्थलमा प्रहरीको टोली पुगिसकेको जिल्ला प्रहरी कार्यालय सल्यानले जनाएको छ । घटनाबारे अनुसन्धान भइरहेको प्रहरीले जानकारी दिएको छ ।
