मा प्रकाशित
दाङ, २८ साउन ।
चेक अनादर मुद्दामा फरार प्रतिवादी पक्राउ परेका छन् । पक्राउ पर्नेमा जिल्लाको घोराही उपमहानगरपालिका वडा नम्बर १६ लेटारका ३१ वर्षीय बीरेन्द्र खड्का रहेका छन् ।
खड्का दाङ जिल्ला अदालतबाट २०७९साल असार ३० गते चेक अनादर मुद्दामा २ वर्ष सजाय फैसला भई फरार रहेका थिए । उनलाई यही साउन २६ गते दाङ प्रहरीले घोराहीस्थित गोरखा बस्पिटल नजिकबाट पक्राउ गरेको हो ।
उनलाई आज नै जिल्ला अदालतमा बुझाइएको जिल्ला प्रहरी कार्यालय दाङका प्रवक्ता राजन गौतमले जानकारी दिएका छन् ।
