रुकुम पश्चिम, १ भदाै ।
रुकुम पश्चिममा दुई वटा शव सडेकाे अवस्थामा फेला परेका छन् । जिल्लाकाे दुई छुट्टाछुट्टै ठाउँमा दुई जनाको शव फेला परेको हाे ।
जिल्लाकाे मुसीकोट नगरपालिका–११ र आठबिसकोट नगरपालिका–६ मा दुई पुरुषको शव सडेको अवस्थामा फेला परेको प्रहरीले जनाएको छ ।
प्रहरीले दिएकाे जानकारी अनुसार मुसीकोट नगरपालिका–११ भलाक्चाका ५९ वर्षीय पिताराम नेपालीको शव स्थानीय सिस्नेखोलीको जङ्गलमा भेटिएको हो । नेपाली गएको साउन १७ गतेदेखि हराउनुभएको थियो ।
त्यस्तै, आठबिसकोट नगरपालिका–६ झोडेनीमा छिमीगाउँका आसे बोहराको शव भेटिएको छ । फेला परेका शवको थप अनुसन्धान थालिएको प्रहरीले जनाएको छ ।