कनिका संवाददाता
असार २४, मुगु
मुगुको सोरु गाउँपालिकामा आर्थिक अनियमितता भएको भन्ने विषयमा सञ्चारमाध्यममा समाचार आउन थालेपछि गाउँपालिकामा कार्यरत कर्मचारीले भ्रष्टाचार नगरेको भन्दै पत्रकार सम्मेलन गरेका छन् । विगत दुई हप्तादेखि सोरु गाउँपालिकामा आर्थिक अनियमितता भएको भन्ने समाचार आउन थालेपछि कर्मचारीले कुनै आर्थिक अनियमितता नभएको भन्दै आज पत्रकार सम्मेलन गरेका हुन् । उनिहरुले गाउँ छोडी सदरमुकाम आएर आफुहरु माथी लगाइएको मुद्दा गलत भएको र गाउँपालिकाका अध्यक्ष लोकजंग शाहीले आफैले अनियमितता गरेको आरोप लगाएका छन् । गत आइतबार गाउँपालिकाका प्रमुख लोकबहादुर शाहीले प्रमुख प्रशासकिय अधिकृत धान्ने बुढा र लेखापाल जेठबहादुर बुढाले कोरोना राहत कोषको १९ लाख र गिलाह नुवाकोट सडकको नौ लाख २१ हजार अनियमित गरेको आरोप लगाउदै प्रशासनमा उजुरी दिनुभएको थियो । त्यसको दुई दिन पछि त्यहाँ कार्यरत कर्मचारीले पनि प्रमुख प्रशासकिय अधिकृत र लेखापालको बचाउ गर्दै प्रशासनमा उजुरी दिएका थिए ।
मा प्रकाशित
