मा प्रकाशित
दाङ, ११ असाेज।
दाङमा एक माेटरसाइकलमा आगजनी गरिएकाे छ । जिल्लाकाे घोराही उप-महानगरपालिका-१८ पुष्पाञ्जली टोल बस्ने बिराज चौधरीको रा.२ प १५९३ नम्बरको मोटरसाइकलमा आगजानी गरिएकाे प्रहरीले जनाएकाे छ ।
आगजनी गरेको अभियोगमा प्रहरीले घाेराही उपमहानगरपालिका-१० सौडिकुला बस्ने ३२ वर्षीय मिना चौधरीलाई हिजाे बुधबार दिउँसो पक्राउ गरेको हाे ।
लेनदेनको बिषयलाई लिएर चौधरीले माेटर साइकलमा आगजनी गरेकाे खुलेकाे छ । घोराहीबाट खटिएको प्रहरीले स्थानीयबासी र दमकलको सहयोगमा मोटरसाइकलमा लागेको आगो नियन्त्रणमा लिएको थियो ।
आगजनीबाट मोटरसाइकल जलेर नष्ट भएको प्रहरीले जनाएको छ । यस सम्बन्धमा प्रहरीले आवश्यक अनुसन्धान भइरहेकाे प्रहरीले बताएकाे छ ।
